واژۆ
كەمال محەممەد ساڵح، وەزیری سامانە سروشتییەكانی حكومەتی هەرێمی كوردستان بەوەكالەت دەڵێت، پێشبینی ئەوە دەكات، كۆتایی ئەمساڵ هەناردە كردنی نەوتی هەرێم دەستپێبكاتەوە.
كەمال محەمەد بە میدیاكانی وت، هەوڵەكان لەگەڵ لایەنە پەیوەندیدارەكان بەردەوامن بۆ دووبارە هەناردەكردنی نەوت، توركیا و عیراق ئامادەیی خۆیان دەربڕیوە، تاكە كێشەی بەردەم دەستپێكردنەوەی پڕۆسەكە، تێچووی دەر‌هێنان و بەرهەمهێنانی نەوتە و كار بۆ چارەسەركردنی ئەو كێشەیەش دەكرێت..
ئاماژەی بەوەشداوە، كۆتایی ئەم مانگە شاندێكی حكومەتی هەرێم بۆ تاووتوێكردنی ئەو پرسە لەگەڵ بەرپرسانی عیراق سەردانی بەغدا دەكات، پێشبینی دەكات پێش كۆتایی ئەمساڵ نەوتی كوردستان هەناردە بكرێتەوە.
بەپێی وتەكانی وەزیری سامانە سروشتییەكان، راگرتنی هەناردەكردنی نەوتی كوردستان بەبڕی زیاتر لە 7 ملیار دۆلار زیانی ئابووریی عیراق گەیاندووە.
