سێرگی شۆیگو وەزیری بەرگریی روسیا بڵاویكردەوە كە دوو ناوچەی سەربازی نوێیان دژ بە فراوانبونی ناتۆ و زیادكردنی توانای سەربازیی لە سنورەكانی روسیا پێكهێناوە.
لە وتارێكدا كە لە كۆبونەوەی لەگەڵ بەرپرسانی وەزارەتی بەرگریی وڵاتەكەی ئەنجامیدا، شۆیگو زانیاریداوە سەبارەت بە پێكهێنانی ناوچەی سەربازیی نوێ لەناوخۆی وڵاتەكەیدا، ئەوەی وەبیرهێناوەتەوە كە ناتۆ لە نزیك سنورەكانی روسیا توانای سەربازیی پێكهێناوە، فینلاند بوەتە ئەندامی ناتۆ و سویدیش پەیوەندی بە هاوپەیمانییەكەوە دەكات.
وەزیری بەرگریی روسیا راشیگەیاندوە: هەنگاومان هەڵنا بۆ بەهێزكردنی گروپە سەربازییەكان لە ئاڕاستەی ستراتیجی باكوری رۆژئاوا، لە سوپادا دوو یەكەی هەرێمیی تایبەتی ستراتیجیمان پێكهێنا كە بریتین لە لینینگرادو مۆسكۆ.
