سەرۆكی دادگای باڵای فیدراڵی عیراق رایگەیاند، بەڕێوەبەرایەتیە لاوەكییەكانی هەرێمی كوردستان دەتوانن هەماهەنگی لەگەڵ وەزارەتی داراییدا بكەن بۆ بەنیشتمانیكردنی موچەكانیان.
دادوەر جاسم ئەلعمیری سەرۆكی دادگای باڵای فیدراڵی رایگەیاندوە، ئەو بڕیارەی دادگاكە دەریكردوە هەردو سەرۆك وەزیرانی عیراق و هەرێمی كوردستانی پابەندكردوە بۆ بەنیشتمانیكردنی موچەی فەرمانبەران و خانەنشینان و سودمەندانی تۆڕی چاودێری كۆمەڵایەتی لە بانكە حكومییەكانی ناوندو لە پشكی هەرێمی كوردستان ببڕێت لە یاسای بودجەدا.
ئاماژەشیكردوە، ئەو توێژانە بڕیارەكەی دادگا دەیانگرێتەوە چونكە موچەی خۆیان لەوادەی خۆیدا وەرنەگرتوە ناشكرێت كێشەكانی نێوان هەرێم و بەغدا ببێتە هۆكاری جێبەجێنەكردنی بڕگەكانی یاسای بودجەو هاووڵاتیانی هەرێم لێی بێبەشبن، دادگاش دیاریكردوە كە لایەنی پەیوەندیدار بەو پرسە هەماهەنگیكردنی وەزارەتی عیراق و هەرێمی كوردستانە، بەڵام ئەگەر وەزارەتی دارایی هەرێم رێگریكرد لە جێبەجێكردنی بڕیارەكە ئەوا بەڕێوەبەرایەتییە لاوەكییەكان دەتوانن جێبەجێی بكەن و هەماهەنگی راستەوخۆ لەگەڵ وەزارەتی دارایی عیراقدا بكەن.
سەرۆكی دادگای فیدراڵی باسی لەوەشكردوە، ناكرێت فەرمانبەرانی ناوەڕاست و باشور لەكاتی خۆیاندا موچە وەرگرن، بەڵام هەرێمی كوردستان وەرینەگرێت بەمشێوازە یەكسانی بەدینایەت و پێشێلكردنی دەستورە.
