پۆلیسی ناوخۆی ئەمریكا رایگەیاند، فڕۆكەیەكی تایبەت لە نزیك رێگایەكی خێرا لە شاری ناشڤیلی ئەمریكا كەوتە خوارەوە و بەهۆیەوە 5 كەس گیانیانلەدەستدا.
پۆلیسی ئەمریكا باسی لەوەكردوە، فڕۆكەیەكی بچوكی تایبەت لە نزیك رێگایەكی خێرا لە شاری ناشڤیل لە ویلایەتی تێنسی ئەمریكا كەوتۆتە خوارەوە. بەڕێوەبەرایەتی ئاگركوژێنەوەی ناشڤیل لە تۆڕی كۆمەڵایەتی X رایگەیاندوە لە ئەنجامی كەوتنەخوارەوەی فڕۆكەكە ئاگرێكی گەورە كەوتۆتەوەو تیمەكانیان بەمەبەستی كۆنترۆڵكردنی ئاگرەكە گەیشتونەتە شوێنی روداوەكە.
هاوكات سەرەتا بزوێنەری فڕۆكەكە لەكاركەوتوەو بۆ نیشتنەوەی بەپەلە لە فڕۆكەخانەی (جۆن سی تیون) لە شاری ناشڤیل ئامادەباشی كراوە، بەڵام چەند كیلۆمەترێك لە دوری فڕۆكەخانەكەوە كەوتۆتە خوارەوە.
