نووسینی / هاوکار گۆمەشێنی
لای هەمووان ڕوونە تاکی ئێمەی کورد هێشتان لەسەر بنەمای (چاو) ڕووداوەکان دەبینین ،نەک لە ڕووی عەقڵ و مەنتق و مێژوو.
پێمان وایە ئەوەی دۆزراوەتەوە نابێ ئەوها ناشیرین بێ، دەبێ لووتی وەک فستق بێ و بڕۆی تاتۆبێ و لێوی فیلەربێ و تەواوی سەروشکل و بەدەنەی سلیکۆن و فیلەربێ،یان هەرهیچ نەبێ وەک کچی کافرۆش بێ.!
زۆر دوور ناڕۆم هەر یەکێکمان لەماڵەوە کەسەیری ئەلبومی وێنەکانمان کردبێ هی ساڵانی ٧٠ بۆ ٨٠کان پێش هیچ قسەکردنێک و هیچ شتێک بەس پێدەکەنین ئاخۆ مرۆڤ بەو نیو سەدەیە چەند گۆڕاوە، چجای ئەوەی بگاتە بە هەزاران ساڵ پێش ئێستا.!
ئاخر دەبێ جیاوازی بکرێ لەنێوان مرۆڤە سروشتی و دروستکراوەکانی دەستی مرۆڤ،ئێستاش ئەو ژنە نیاندەتاڵە بیهێنن زۆرنا کەمێک ئەو نەشتەرگەریەی ئەو سەردەمەی بۆبکەن ئەوا دڵنیام دەبێ بە شا جوان،وەک هەموو ئەوانەی خۆیان پێ جوان و شا جوانە.
خوڵاسەی قسەکانم ئەوەیە ئێمە ئەو میللەتەین، مرۆڤەکان بە پارەو شەهادەو دین و ڕووخسار دەناسین، نەک وەک خودی کەسەکە،ئەو ژنەش تەماشا مێژوو شارستانیەت و ڕووداوە گرنگەکەی ناکەین بیرمان لای جوانی و شکل و ناشیرینیەتی.
