قوباد تاڵەبانی پیرۆزبایی لە ساڵیادی دامەزراندنی رێكخراوی ئازادی لاوان دەكات.
قوباد تاڵەبانی لە ساڵیادی دامەزراندنی رێكخراوی ئازادی لاوانی كوردستان لە پەیامێكدا رایگەیاند، ئەم ساڵیادە دەرفەتێكی زێڕینە بۆ بەخۆداچونەوە و داڕشتنەوەی پلانی كاركردن و خزمەتكردنی زیاتری لاوان.
باسی لەوەشكردوە، بەبۆنەی ساڵیادی دامەزراندنی رێكخراوی ئازادی لاوانی كوردستان پیرۆزباییان لێ دەكەم و هیوادارم بە گوڕوتینی زیاتر لەجارانەوە بێنەوە مەیدانی خەبات و تێكۆشان لەخزمەتی لاوانی كوردستاندا، دەخوازین كاری زیاتر بكەن بۆ پەرەپێدانی بەهرەكانی لاوان و دەرخستنی تواناكانیان و داكۆكیكردن لە مافەكانیان.
ئاماژەی بەوەشداوە، ئەم ساڵیادە دەرفەتێكی زێڕینە بۆ بەخۆداچونەوە و داڕشتنەوەی پلانی كاركردن و خزمەتكردنی زیاتری لاوان بە پرۆژە و بەرنامەی نوێ لەسێكتەرە جیاوازەكاندا.
