لە راپۆرتێكدا بڵاوكراوەتەوە كە خێزانێك لە خوانێكدا كەباب بە كۆشتی ورچ دەخۆن و دواتر 6 كەس توشی نەخۆشییەكی كرمیی دەبن.
راپۆرتێكی سەنتەری كۆنترۆڵكردن و خۆپاراستن لە نەخۆشییەكان بڵاویكردۆتەوە، كەبابی گۆشتی ورچ لە كۆبونەوەی خێزانێكداو لە خوانێكدا بۆتەهۆی بڵاوبونەوەی نەخۆشییەكی دەگمەنی كرمیی و 6 كەسیان توشی نەخۆشییەكە بون، هۆكارەكەش پەیوەندی بە باش نەكوڵاندنی گۆشتەكەوە هەبوە كە كرمۆكەی هەڵگرتوە.
هەروەها بڵاوكراوەتەوە كە ئەندامێكی خێزانەكە گۆشتی ورچێكی رەشی بۆ كۆبونەوەی خێزانییەكەیان هێناوە كە لە باكوری كەنەدا راوكراوە، گۆشتەكە بۆ ماوەی 45 رۆژ لەناو بەفرگرێكی ماڵاندا هەڵگیراوە، بەپێی ئەوەی كە راوكردنی ورچی رەش لە كەنەداو زۆرێك لە ویلایەتەكانی تری ئەمریكادا یاساییە.
ئاماژە بۆ ئەوەشكراوە، دوای هەفتەیەك لە خواردنی ئەم جۆرە گۆشتە ئەندامێكی خێزانەكە كە پیاوێكی تەمەن 29 ساڵانە توشی تا و ئازارێكی توندی ماسولكەكان و ئاوسانی دەوری چاوەكانی بوە بەهۆی نیشانەكانی نەخۆشیەكەشەوە دوجار خەوێنراوە، دواتر لە پشكنیندا دەركەوتوە توشبوە بە نەخۆشیی (تریچـینێلا) كە دەركەوتنی جۆرێكە لە كرم لە ناو جەستەیدا، 5 ئەندامی دیكەی خێزانەكەش نیشانەكانی وەك تا، سەرئێشە، ئازاری گەدە، سكچون، ئازاری ماسولكەكان و ئاوسانی دەوروبەری چاویان لێ دەركەوتوە.
ئەوەش ئاشكرا كراوە كە هەر 6 ئەندامی خێزانەكە توشی ئەو نەخۆشییە بون كە بەهۆی خواردنی گۆشتی كەم كوڵاوەوە دروست دەبێت كە بە كرمۆكەی تریچینێلا پیس بوە.
