شارەزایەكی كەشناسی هەرێمی كوردستان دەڵێت، لە رۆژی دووشەممە 12-8ـەوە بەهۆی هاتنی شەپۆلێكەوە پلەكانی گەرما نزمدەبنەوە.
ئاراس جەبار شارەزای كەشناسی هەرێمی كوردستان بڵاویكردۆتەوە، رۆژی دووشەممە ئاسمانی هەرێم ساماڵ دەبێت لەئەنجامی كاریگەری بارستە هەوایەك كە لە توركیاوە هاتوە بۆ سەر ناوچەكانمان و پلەی گەرمی بەراورد بە رۆژی یەكشەممە 1 تا 2 پلە نزمدەبێتەوەو خێرای با لەسەرخۆ بۆ مامناوەند دەبێت.
ئەو شارەزایەی كەشناسی پێشبینیشی كردوە، تا رۆژی چوارشەمە 14-8 پلەی گەرمی ناوچەكە بەجێگیری دەمێنێتەوە، لەكۆتایی هەفتەش شەپۆلێكی بەتینی گەرما ناوچە جیاجیاكانی عیراق دەگرێتەوەو پێشبینی بەرزبونەوەی پلەكانی گەرما لە زۆربەی پارێزگاكانی باشورو ناوەڕاست بۆ سەرو 50 پلە زیاتر دەكرێت كاریگەریی ئەو گەرمایەش لەسەر ناوچەكانی هەرێمی كوردستان كەمتر دەبێت و هاوشێوەی رۆژانی رابردو پلەكانی گەرما بەرزدەبێتەوە.
