کەشناسیی هەرێم پێشبینییەکانی کەشوهەوای ئەمڕۆ و سبەی ئاشکرا کردووە و رایگەیاندووە، شەپۆلی بەفر و باران بۆ تەواوی ناوچەکانی هەرێم درێژ دەبێتەوە و لە ناوچە شاخاوییەکان ١٠ سانتیمەتر بەفر دەبارێت.
کەشناسیی هەرێم رایگەیاندووە، ئەمڕۆ دووشەممە، ئاسمان هەوری تەواو دەبێت لەگەڵ نمەباران لە زۆربەی ناوچەکاندا، بەجۆرێک لە ناوچە شاخاوییەکان رێژەکەی زیاتر دەبێت و لە ناوچە سنوورییەکان دابارین بەشێوەی تێکەڵەی بەفر و باران دەبێت، لە کاتەکانی شەودا کاریگەری لاواز دەبێت و جگە لە ناوچە سنوورییەکانی رۆژهەڵاتی پارێزگای هەڵەبجە، کە بەشێوەی نمەبارانی لاواز دەمێنێتەوە.
ئەوەش هاتووە، ئەمڕۆ پلەکانی گەرما ٦ بۆ ٧ پلەی سیلیزی دادەبەزن و لە ناوچە شاخاوییەکان و دەڤەری بادینانیش ٨ بۆ ١٠ پلەی سیلیزی دادەبەزن.
کەشناسیی راشیگەیاندووە، سبەی سێشەممە، ئاسمان هەوری تەواو دەبێت لەگەڵ نمەباران و بەفر لە ناوچە شاخاوییەکانی پارێزگای دهۆک، لە کاتەکانی بەیانی پاشان لە کاتەکانی دوای نیوەڕۆ کاریگەی دابارین زیاتر دەبێت و بەرەو تەواوی ناوچەکانی هەرێم درێژدەبێتەوە.
کەشناسی دەشڵێت، پێشبینی بارینی رێژەیەکی زۆری بەفر دەکرێت بە جۆرێک پێشبینی دەکرێت ٨ بۆ ١٠ سانتیم بەفر ببارێت، بەتایبەت لە ناوچە سنوورییەکانی باکوور و باکووری رۆژهڵاتی هەرێم.
ئاماژەی بەوەشکردووە، سبەینێ پلەکانی گەرما ١ بۆ ٣ پلەی سیلیزی نزمدەبنەوە بەراورد بە تۆمارکراوەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر : ١٥ پلەى سیلیزى
سلێمانی : ١٣ پلەى سیلیزى
دهۆک : ١١ پلەى سیلیزى
کەرکوک : ١٦ پلەى سیلیزى
هەڵەبجە : ١٣ پلەى سیلیزى
زاخۆ : ١٠ پلەى سیلیزى
حاجی ئۆمەران : ٦ پلەى سیلیزى
سۆران : ١٣ پلەى سیلیزى
گەرمیان : ١٦ پلەى سیلیزى
