كەشناسی هەرێم رایگەیاند، ئەمڕۆ و سبەینێ كەشوهەوا ئاسایی دەبێت و پلەكانی گەرماش رو لەبەرزبونەوە دەكەن.
بەڕێوەبەرایەتی گشتی كەشناسی و بومەلەرزەزانی لەڕاگەیەندراوێكدا بڵاویكردەوە، ئەمڕۆ شەممە ئاسمان ساماڵ دەبێت لەگەڵ دروست بونی هەندێك پەڵە هەور لە ناوچە شاخاوییەكاندا،هەروەها خێرای با لەسەرخۆ و مامناوەند دەبێت، پلەكانی گەرماش بەڕێژەی 2-3 پلەی سیلیزی بەراورد بە تۆمارەكانی دوێنێ بەرزدەبنەوە.
رونیشیكردەوە، سبەی یەكشەممە بەهەمانشێوە ئاسمان ساماڵ و پەڵە هەور دەبێت، پلەكانی گەرما بەراورد بەتۆماركراوەكانی ئەمڕۆ 1-2 پلەی سیلیزی بەرزدەبنەوە.
بەرزترین پلەكانی گەرمای پێشبینیكراو بە پلەی سیلیزی:
هەولێر : 17
سلێمانی : 16
دهۆك : 16
زاخۆ : 16
هەڵەبجە : 17
كەركوك : 18
سۆران : 15
گەرمیان : 19
حاجی ئۆمەران : 6
