فەرماندەی هێزەکانی سوریای دیموکرات ڕایگەیاند، هەڕەشەکانی تورکیا لە دژیان بەردەوامە و ئامادەکاری تەواویان کردووە و دەشڵێت: پەیوەندیمان لەگەڵ دەستەی تەحریری شام هەیە.
مەزڵوم عەبدی، فەرماندەی گشتی هێزەکانی سوریای دیموکرات – هەسەدە لە کۆنگرەیەکی ڕۆژنامەنوسیدا :
ماوەی دوو مانگە خۆمان بۆ ئەم دۆخە ئامادە کردووە، ئێمە پێشتر ئاگاداری ئەوە بووین.
جەختی لە پاراستنی کوردانی حەلەب کردەوە و ڕایگەیاند، ئێستا 250 هەزار کەس لە گەڕەکە کوردنشینەکانی حەلەب دەژین و ئێمە هەوڵدەدەین بوونی کورد لەوێ بپارێزین.
فەرماندەی گشتی هەسەدە نەیشاردەوە کە پەیوەندییان لەگەڵ دەستەی تەحریر شام هەیە و ئامادەیی دەربڕی، لەگەڵ هەموو لایەک گفتوگۆ بکەن بۆ چارەسەرکردنی قەیرانی سوریا.
مەزڵوم عەبدی دوپاتیکردەوە، لەگەڵ هاوپەیمانی نێودەوڵەتی لە دژی داعش تێکۆشانیان بەردەوامە و وتیشی : بۆئەوەی شەڕ بچێتە ڕۆژهەڵاتی فورات پەیوەندییەکانمان لەگەڵ ئەمریکا و ڕوسیا بەردەوام دەبێت.
