لە كاتی نزمبونەوەی پلەكانی گەرمییدا، هەستكردن بە گەرمی و عارقكردنەوە ئاسایی نییە، كۆمەڵێك هۆكاری هەیە كە پێویستە لە رێگەی زانینی هۆكارەكەیەوە بەدوای چارەسەردا بگەڕێیت.
ماڵپەڕیی Verywell Health هۆكارەكانی عارەقكردنەوەی لەم وەرزەدا بڵاوكردوەتەوە:
غوددەی سام
لەم دۆخەدا ڕێژەیەکی زیاد لە پێویستی هۆرمۆنی T3, T4 لەلایەن سایرۆید و ڕێژەیەکی کەمی TSH لەلایەن ژێر لانکەوە دەردەدرێت و ئەمەش وادەكات هەست بە گەرمی بكەیت.
دوگیانی
ئیسترۆجین و پرۆجیسترۆن یارمەتی هاوسەنگكردنی پلەی گەرمی جەستە دەدەن و رۆڵی سەرەكییان لە پیتاندری هێلكە و تۆو، سوڕی خوێن چالاك دەبێت و ئەمەش هۆكارە بۆ ئەوەی بە بەراورد بە رابردو هەست بە گەرما بكەیت.
رۆیشتنە ناو تەمەنی نائومێدی
گۆڕانكاریی لە هۆڕمۆنەكانی جەستە بەتایبەتی ئیسترۆجین و پرۆجیستیرۆن، هۆكارە بۆئەوەی پلەی گەرمی لەش بەرز بێتەوە.
بەكارهێنانی دەرمان
هەندێك جۆری دەرمان كاریگەرییە لاوەكییەكەیان بریتییە لە عارقكردنەوە و بەرزبونەوەی پلەی گەرمی لەش، بەتایبەتی ئەو دەرمانانەی بۆ هەستیاری، بەرزی فشاری خوێن و دژە خەمۆكیین.
دۆخی دەرونی
دڵەڕاوكێ كاریگەریی لەسەر شێوازی ژیانی %4ی خەڵك دروستدەكات، توشی خەوزڕانیان دەكات، لە هەمان كاتیشدا هۆكارە بۆئەوەی زۆر عارق بكەیتەوە و هەست بە گەرمی بكەیت.
شەكرە
ئەو كەسانەی توشبوی شەكرەی جۆری یەكەم و دوەمن، زیاتر هەستیارن گەرمی بە بەراورد بە كەسانی دیكە، چونكە شەكرە زۆركات كاریگەریی لەسەر عارەقە رژێنەكان دروستدەكات، كاتێك بە باشی كارناكەن، جەستە ناتوانێت خۆی فێنك بكاتەوە، هەربۆیە هەست بە گەرمی دەكەن.
وشكبونەوەی جەستە
كاتێك جەستەت بڕی پێویست ئاو بەدەستناهێنێت، بە خێرایی لەدەستی دەدات یان هەردوكی، توشی سەرگێژخواردن، سەرئێشە و عارەقكرنەوە دەبێت.
كەی پێویستە پزیشك ببینیت؟
ئەگەر هەستكردن بە گەرما بە تاو بۆتهات و پێشتر بەوشێوەیە نەبویت، یان دۆخت خراپتر بو، كاریگەریی لەسەر كار و چالاكییەكانی ژیانی رۆژانەت دروستكرد، پێویستە سەردانی پزیشك بكەیت و لە رێگەی پشكنینەوە.
