دوای روداوەكەی سنوری زاخۆ، بڕیارە پێداچونەوە بە خاڵە سنورییەكاندا بكرێت و فەرماندەیی پاسەوانی سنور لەهەرێمی كوردستان ئاشكرایكرد، داوای هێزی زیاتریان كردوە بۆ كۆنتڕۆڵكردنی سنورەكان.
لیوا روكن حەماد فازڵ فەرماندەی پاسەوانی سنور بەماڵپەڕی فەرمی پارتی راگەیاندوە: سەردانی لیژنەی بەغدا بۆ ناوچە سنورییەكانی هەرێمی كوردستان بۆ ئاگاداربونە لە رەوشی سنورو لیژنەكە بە فەرمانی سەرۆك وەزیرانی عیراق پێكهاتوە و سەردانی سنوری پارێزگای دهۆكی كردوە، تا لە نزیكەوە ئاگاداری خاڵەكانی پاسەوانیی سنور بین، ئەو هێزانەی لە ناوچەی یەك جێگیر كراون بەشی ئەوە ناكەن لە هەموو خاڵەكانی سنوری جێگیر بكرێن.
وتیشی: پێشنیاری ئەوەمانكردوە لەڕووی پێداویستی سەربازییەوە هاوكاری زیاتری پاسەوانی سنور بكرێت، هەروەها ژمارەی هێزەكانمان زیاد بكرێت تا بتوانین خاڵی زیاتر دابنێین و سنورەكان كۆنتڕۆڵ بكرێن.
حەماد فازڵ وتوشیەتی: چەندینجار لیژنە هاتون بۆ سنورەكانی هەرێمی كوردستان و بۆئەوەی ناوچە سنورییەكان كۆنتڕۆڵ بكرێن و هێزەكانی پاسەوانی سنور زیاد بكرێن، چونكە ئێمە كاردەكەین بگەینە خاڵی سفری سنورو هێزەكانمان بەتەواوەتی لەسەر سنور جێگیر بكرێن.
