مەسرور بارزانی: ستایشی كرێكاران دەكەم كە بەرگەی دۆخی سەختی ئابوورییان گرتووە

مەسرور بارزانی سەرۆكی حكومەتی هەرێمی كوردستان لە پەیامێكدا بە بۆنەی رۆژی جیهانیی كرێكاران، ستایشی ئەرك و ماندووبوونی كرێكارانی كوردستان دەكات كە هەمیشە بەرگەی دۆخی سەختی ئابوورییان گرتووە و بەردەوامیشن لە خزمەتكردنی وڵاتەكەیان.
سەرۆكی حكومەتی هەرێم لە پەیامەكەیدا رایگەیاندووە، بە بۆنەی رۆژی جیهانیی كرێكاران،  پیرۆزبایی لە كرێكارانی كوردستان و جیهان دەكەم. ستایشی ئەرك و ماندووبوونی كرێكارانی كوردستان دەكەم كە هەمیشە بەرگەی دۆخی سەختی ئابوورییان  گرتووە و بەردەوامیشن لە خزمەتكردنی وڵاتەكەیان، هەروەها  سوپاسی پابەندبوونیان دەكەین بە رێكارەكانی خۆپارێزی لە كۆرۆنا، بەو هیوایەی لە ئایندەیەكی نزیكدا ژیانی رۆژانە ئاسایی ببێتەوە.
مەسرور بارزانی راشیگەیاندووە، لەم بۆنەیەدا، پشتگیریی خۆمان بۆ ماف و تێكۆشانی كرێكاران بۆ بەدیهاتنی دادپەروەری و باشتركردنی دۆخی گوزەرانیان دووپات دەكەینەوە.”