ئەحمەد هۆشیار بەڕێوەبەری فڕۆكەخانەی هەولێر رەتیدەكاتەوە كەس لەسەر بیروڕای سیاسی دەستگیر كرابێت و دەڵێت، ئەو دەنگۆیانەی باس لە دەستگیركردنی سێ كەس دەكەن راست نین.
ئەحمەد هۆشیار بە ماڵپەڕی فەرمی پارتی وتووە، لە فڕۆكەخانەی هەولێر كەس نەگیراوە لەسەر بیروڕای سیاسی و ئەوەش راست نییە كە پەیەدە باس لە گرتنی سێ ئەندامی خۆیان دەكەن، بەڵام هەیە كێشە لە پاسپۆرت یاخود مانەوە یاخود بەڵگەكانی دیكەی هەیە، رەنگە هەندێك جار چەند كاتژمێرێك دوابكەوێت و ئەگەر بەڵگەكانیشی تەواو نەبێت، بەو فڕۆكەیەی خۆی بۆ شوێنەكەی رەوانەی دەكەینەوە.
ئاماژەی بەوەشداوە، فڕۆكەخانە شوێنی هەزاران كەسە كە هاتوچۆی لێ دەكات و كەسیش لە نێوچەوانی نەنوسراوە چ حزبێكە و سەر بە چ لایەنێكە، تەنها مامەڵە لەگەڵ بەڵگەنامە فەرمییەكان دەكەین و پێویستە پاسپۆرت كێشەی نەبێت، چونكە ئەوەی بێتە عێراق نابێت پاسپۆرتی لە شەش مانگی كەمتر مابێت بەسەر بچێت و خەڵك هەیە دێ سێ مانگی ماوە رێگەی پێ نادەین بێتە هەرێمی كوردستان.
ئەمەش دوای ئەوەدێت، پێشتر پارتی دیموكراتی گەلان “پەیەدە” رایگەیاندبوو كە سێ ئەندامیان لە فڕۆكەخانەی هەولێر دەستگیر كراون.
