فوئاد حسێن وەزیری دەرەوەی عێراق دەڵێت، دەستوەردانی دەرەكی لە كاروباری ناوخۆ رەتدەكەنەوە و پێویستە بڕیار لە بەغداوە بێت نەك لە دەرەوە.
فوئاد حسێن لە لێدوانێكی رۆژنامەوانیدا ئاماژەی بەوەداوە، عێراق دەستوەردان لە كاروباری ناوخۆی رەتدەكاتەوە، پێویستە چارەسەری هەر كێشەیەك جگە لە گفتوگۆ هیچی تر نەبێت، هەروەها پێویستە بڕیار عێراقی بێت و لە بەغداوە بێت نەك لە دەرەوە.
رونیشیكردووەتەوە، سەقامگیری لە رۆژهەڵاتی ناوەڕاست بەدینایەت ئەگەر سیاسەتی جێگیر و راست بۆ چارەسەركردنی كێشمەكێشەكان پەیڕەو نەكرێت و ئاگری قەیرانەكان بە رێگەی ئاشتیانە نەكوژێنرێتەوە.
وەزیری دەرەوەی عێراق جەختیلەوەشكردووەتەوە، سەقامگیری ناوخۆیی ئاوێنەی سەقامگیری ناوچەكەیە و گرژی دەبێتە هۆی تێكچوونی بارودۆخی ئەمنی لە ناوچەكەدا.
