جوتیار عادل، وتەبێژی حكومەتی هەرێمی كوردستان دەستكردن بە دابەشكردنی موچەی راگەیاند و جەختیلەوەشكردووەتەوە، موچەی سەرجەم وەزارەتەكان دابەش دەكرێت و بەهەمان شێوەی مانگەكانی پێشووش بە لێبڕینەوە دەبێت.
جوتیار عادل لە لێدوانێكی رۆژنامەوانیدا وتویەتی، دابەشكردنی موچە دەستی پێكردووە و موچەی سەرجەم وەزارەتەكان دابەش دەكرێت، سەرەتاش لە وەزارەتی تەندروستییەوە دەستی پێكردووە.
رونیشیكردووەتەوە، هەوڵ دەدرێت لە ماوەیەكی كورتدا موچەی سەرجەم وەزارەتەكان دابەش بكرێت، هەروەها بەهەمان شێوەی مانگەكانی پێشوو بە لێبڕینی 21% دەبێت و هیچ كێشەیەكی دواكەوتنی موچەش دروست نابێت.
وتەبێژەكەی حكومەتی هەرێم باسی لەوەشكردووە، پلانی حكومەت بەرزكردنەوەی ئاستی بژێوی هاوڵاتیانە و دابەشكردنی موچەش ئەركی لە پێشینەی حكومەتە و بەردەوام دەبێت لە جێبەجێكردنی ئەو ئەركەی.
