نمایشی سەربازی حەشدی شەعبی عێراق لە پارێزگای دیالە دەستی پێكرد و مستەفا كازمی سەرۆك وەزیران و ژمارەیەكی زۆر كەسایەتی سیاسی و سەربازی ئامادەی بوون.
حەشدی شەعبی لە بەیاننامەیەكدا بڵاویكردووەتەوە، بەبۆنەی حەوتەمین ساڵیادی دامەزراندنیەوە، چالاكییەكانی حەشدی شەعبی لە پارێزگای دیالە دەستی پێكردووە و تێیدا مستەفا كازمی سەرۆك وەزیران ئامادە بووە.
لای خۆیەوە مستەفا كازمی لە تویتێكدا بە زمانی كوردی نوسیویەتی، لە 6ی كانون بەشداریی نمایشی سوپای قارەمانمان كرد، هەروەها نمایشی پۆلیسە ئازاكان، ئەمڕۆش لە نمایشی رۆڵەكانمان لە حەشدی شەعبی بەشداربووین.
وتوشیەتی، جەخت دەكەینەوە كە كارمان لەژێر ئاڵای عێراقدایە و پاراستنی خاك و گەلەكەشی ئەركی سەرشانمانە، بەڵێ بۆ عێراقی بەهێز و بەتوانا.
