سلێمانی.. تائێستا 80%ی كارتی دەنگدان دابەشكراوە

ئامانج عەزیز بەڕێوەبەری ئۆفیسی سلێمانی كۆمسیۆنی باڵای هەڵبژاردنەكانی عێراق رایگەیاند، پرۆسەی دابەشكردنی كارتی دەنگدان بەردەوام دەبێت و تا ئێستا نزیكەی 80%ی كارتەكان دابەش كراون.
ئامانج عەزیز بە ماڵپەڕی فەرمی پارتی وتووە، تا كۆتاییهاتنی پرۆسەی بایۆمەتری 70%ی دەنگدەران بەشدارییان لە پرۆسەكەدا كردووە و لە یەكی مانگی رابردووەوە پرۆسەی بایۆمەتری كۆتاییی هاتووە.
ئاماژەی بەوەشداوە، ئێستا لە قۆناغی دابەشكردنی كارتەكانن بەسەر دەنگدەراندا و رۆژانە نزیكەی هەزار كارت دابەش دەكرێت، لەلایەن بنكەكانی كۆمسیۆنەوە پڕۆسەی دابەشكردن بەردەوام دەبێت و تا ئێستا نزیكەی 80%ی كارتەكان دابەش كراون.
ئەو بەرپرسەی كۆمسیۆن رونیشیكردووەتەوە، بڕیارە وەجبەی كۆتایی كارتی دەنگدان لە بەغداوە رەوانەی هەرێمی كوردستان بكرێت و بەسەر دەنگدەراندا دابەش دەكرێت، كە كارتی ئەو دەنگدەرانەن لە كۆتایی پرۆسەی بایۆمەتریدا بەشدارییان كردووە.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .