وەزارەتی بەرگریی ئەمریكا (پنتاگۆن) رایگەیاند، ژمارەیەك بنكەی گروچە چەكدارەكانی سەر بە ئێران لە عێراق و سوریا كراونەتە ئامانج.
پنتاگۆن روونیشیكردوەتەوە، هێرشەكانی ئەمریكا لە تۆڵەی ئەو هێرشانەن كە لە ماوەی رابردوو بە فڕۆكەی بێفڕۆكەوان كراونەتە سەر هێزەكان و بنكە سەربازیییەكانی ئەمریكا لە عێراق.
لای خۆیەوە جۆن كێربی وتەبێژی وەزارەتی بەرگریی ئەمریكا باسی لەوەكردووە، بەهۆی بەردەوامی هێرشەكانی گروپەكانی سەر بە ئێران بۆ سەر بەرژەوەندیەكانی ئەمریكاو جۆ بایدن بە مەبەستی پەكخستنی توانای هێرشكاری ملیشیاكانی سەر بە ئێران فەرمانی كردووە بە كردنە ئامانجی ئەو گروپانە لە عێراق و سوریا.
لە ماوەی رابردوودا گروپەكانی نزیك لە ئێران لە رێگەی فڕۆكەی بێفڕۆكەوانەوە هێرشیانیان بۆ سەر هێزەكانی ئەمریكا و هاوپەیمانان لە عێراق زیادكردووە.
