عالیە نوسێف: سزادانی چالاكوانانی بادینان پێچەوانەی دەستوری عێراقییە

عالیە نوسێف ئەندامی پەرلەمانی عێراق دەڵێت، سزادانی رۆژنامەوانان و چالاكوانانی بادینان پێچەوانەی دەستوریی عێراقییە و داواش لە مەسرور بارزانی سەرۆكی حكومەتی هەرێم دەكات ئازادیان بكات.
عالیە نوسێف لە بەیاننامەیەكدا بڵاویكردووەتەوە، سەرەڕای ئەو تێبینیانەی لەسەر چۆنێتی دادگایی كردنی رۆژنامەوانان و چالاكوانانی بادینان تۆمار كراون و سەرەڕای دەستگیركردنیان و سزادانی نادادپەروەرانەیان، ئەو سزایە پێشێلكردنی دەستوری عێراقییە كە ئازادی رادەربڕینی دەستبەركردووە.
رونیشیكردووەتەوە، پێمانوایە دەركردنی لێبوردن بۆیان و پێدانی دەرفەتێك پێیان گرنگە، چونكە هێشتا گەنجن و هیچ تاوانێكیان ئەنجام نەداوە.
ئەو پەرلەمانتارە دەشڵێت، دەزانین كە بڕیاری لێبوردنی تایبەت پێویستە لە سەرۆكی هەرێمی كوردستانەوە دەربكرێت، هەروەها دەشزانین كە ناوبراو هەڵوێستی ئیجابییە و ئامادەیە لێبوردن دەربكات، بەڵام ئەو كارە ناكات ئەگەر مەسرور بارزانی سەرۆكی حكومەت رەزامەند نەبێت، بۆیە داوا دەكەین وەك رێزێك لە دەستوری عێراقی و بەزەییەك بە كەسوكاریاندا لێبوردنیان بۆ دەربكرێت.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .