كازمی: چارەسەركردنی كێشەی كارەبا چەند ساڵێكی دیكەی پێویستە

سەرۆك وەزیرانی عێراق لەبارەی كێشەی كارەباوە دەڵێت: بەرپرسیاریەتی 17 ساڵی رابردووی گەندەڵی لە كەرتی كارەبا هەڵناگرێت.
مستەفا كازمی، سەرۆك وەزیرانی عێراق لە كۆبوونەوەیدا لەگەڵ پارێزگارەكان و شانەی چارەسەركردنی كێشەكانی كارەبا، رایگەیاند، بەرپرسیاریەتی 17 ساڵی رابردووی گەندەڵی لە كەرتی كارەبا هەڵناگرێت.
وتیشی: “چارەسەركردنی كێشەی كارەبا چەند ساڵێكی دیكەی پێویستە. دەسەڵاتدارانی  پێشووی عێراق وێڕای ئەوەی نەیانتوانیوە كارەبا لە وڵاتانی دراوسێیوە دابین بكەن، ئەو وێستگانەشی كە بۆ بەرهەمهێنانی كارەبا لە رێگەی غازەوە دروستیانكردووە، نەیانتوانیوە غازی پێویستی بۆ وێستگەكان دابین بكەن”.
ئاشكراشی كرد، 61 تاوەری گواستنەوەی كارەبا لە عێراق كراونەتە ئامانج، بەهۆیانەوە حەوت كەس كوژراون و 11 دیكەشی برینداربوون.
سەرۆك وەزیرانی عێراق راشیگەیاند، هێزەكانی سوپای بۆ پاراستنی تاوەرەكانی كارەبا راسپاردووە.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .