وەزارەتی بەرگری ئەفغانستان بڵاویكردووەتەوە، لە پرۆسەیەكی سەربازیدا لە ولایەتی بادغیس لە خۆرئاوای ئەو وڵاتە 69 چەكداری تاڵیبان كوژراون و چەكدارانی ئەو بزوتنەوەیە لە چەندین ناوچە دەركراون.
وەزارەتی بەرگری ئەفغانستان لە بەیاننامەیەكدا بڵاویكردووەتەوە، سوپا لە ولایەتی بادغیس هێرشێكی ئەنجامداوە و تێیدا 69 چەكداری تاڵیبان كوژراون، هەروەها 23 چەكداری تریشیان بریندار بوون.
رونیشكراوەتەوە، هێزەكانی ئەفغانستان توانیویانە چەكدارانی تاڵیبان لە چەندین ناوچەی ئەو ولایەتە دەربكەن، ئەوەش سەرەڕای كوشتنی ژمارەیەكی زۆر چەكدار لە روبەڕوبونەوەكاندا.
لەلایەكی ترەوە وەزارەتی بەرگری ئەفغانستان بڵاویكردووەتەوە، لە پێكدادانەكاندا لە 15 ولایەتدا لە ماوەی 24 كاتژمێری رابردودا 239 چەكداری تاڵیبان كوژراون و 157 چەكداری تر بریندار بوون.
