مەكتەبی سیاسی یەكێتی بڕیارێكی لەبارەی لاهور شێخ جەنگیەوە راگەیاند

مەكتەبی سیاسیی یەكێتیی نیشتمانیی كوردستان رایگەیاند، هەموو دەسەڵاتەكانی هاوسەرۆكیی لە لاهوور شێخ جەنگیی وەردەگرێتەوە و دەدرێتە بافڵ تاڵەبانی.
لە راگەیەنراوێكی مەكتەبی سیاسی یەكێتیدا هاتووە، ئاماژە بە خاڵی یەكەمی كۆنووسی كۆبوونەوەی رۆژی 15 ی تەممووزی مەكتەبی سیاسی كە لە بارەی كێشەی هاوسەرۆكانەوە بەڕێوەچوو، بڕیاردراوە، لاهوور شێخ جەنگی هاوسەرۆكی ئەو حزبە تێكڕای دەسەڵاتەكانی بدات بە بافڵ تاڵەبانی، تا كاتی تەواوبوونی هەمواركردنەوەی پەیڕەو.
ئەوەش خراوەتەڕوو، كە بڕیارەكە لە رۆژی دەرچوونیەوە دەچێتە بواری جێبەجێ كردنەوە.
بەپێی زانیارییەكان بڕیارە لە ماوەی هەفتەیەكدا پەیڕەوی یەكێتی هەموار بكرێتەوە و سیستەمی هاوسەرۆكی هەڵبوەشێنرێتەوە.
لە رۆژی هەشتی تەممووزەوە بە هۆی ئاڵوگۆڕ لە چەند پۆستێكی ئەمنی، كێشە و ناكۆكی كەوتوەتە نێوان هەر دوو هاوسەرۆكی یەكێتییەوە.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .