مستەفا كازمی سەرۆك وەزیرانی عێراق، رایگەیاند كە سێجار هەوڵی تیرۆركردنی دراوە، دەشڵێت: بەردەوام دەبن لە هەوڵەكانیان بۆ دۆزینەوەی بكوژانی خۆپیشاندەران.
مستەفا كازمی لە چاوپێكەوتنێكدا لەگەڵ كەناڵی (حەدەس) وتی: “لەگەڵ ئەوەی سێجار هەوڵی تیرۆركردنم دراوە، هیچ نیگەران نیم و ناشترسم”، بە بێ ئەوەی وردەكاری زیاتر لە بارەی ئەو سێ هەوڵەوە بخاتەڕوو.
مستەفا كازمی جەختی كردووەتەوە لەسەر ئەوەی كە بەردەوامە لە جێبەجێكردنی ئەركەكەی بەپێی ئەو بەرنامەیەی كە بۆ بەڕێوەبردنی وڵات دایناوە.
لەبەشێكی تری چاوپێكەوتنەكەدا كازمی باسی لە دۆسیەی تیرۆركردنی توێژەری دیاری عێراق هیشام هاشمی كرد و ئاماژەی بەوە كرد سەبارەت بە كەیسی تیرۆركردنی هیشام هاشمی، شارەزای ئەمنی عێراقی، دادگا قسەی یەكلاكەرەوە دەبێت.
ڕونیشیكردەوە “لەلایەن هەندێك لەو كەسانەی كە زیانیان بەركەوتووە، گومان لە هەنگاوەكانمان هەیە بۆ شوێنكەوتنی بكوژانی خۆپیشاندەران، بەڵام بەردەوام دەبین لە شوێنكەوتنی سەرجەم تاوانباران”.
