نوێترین هەواڵ

پێشبینی دەكرێت شەپۆلێكی باران چەند ناوچەیەكی هەرێمی كوردستان بگرێتەوە

شارەزایەكی‌ كەشناسی‌ پێشبینی دەكات، سەرەتای مانگی داهاتوو شەپۆلێكی‌ بارانبارین روو لە بەشێك لە ناوچەكانی‌ كوردستان بكات.
ئاراس جەبار، شارەزای كەشناسی لە هەرێم رایگەیاندوە، “لە ئەنجامی كاریگەری نزمە پاڵەپەستۆیەكی باراناوی لەسەر ناوچەكانی كوردستانی باكور و رۆژھەڵات پێشبینی دەكەین سەرەتای ھەفتەی ئایندە لەرۆژانی 1ی ئاب تاوەكو 4ی ئاب، شەپۆلێكی تاو تاوی بارانبارین و ھەورە تریشقە بەرێژەی جیاجیا بەشێكی ناوچەكانی ھەرێمی كوردستان بگرێتەوە”.
باسی لەوەشكردوە، شەپۆلەكە بەتایبەت كاریگەری لەسەر ناوچە شاخاویی و سنوریەكانی پارێزگای ھەولێر و ئیدارەی راپەرین و دھۆك دەبێت، بەھۆی نزیكی ئەو ناوچانە لە سنورەكانی باكور و رۆژھەڵاتی نزمە پاڵەپەستۆكەوە.
 ئاماژەی بەوەشكردووە، بەگشتی بۆ ناوچەكانی باشوری ھەرێم وەك سنوری پارێزگای سلێمانی و گەرمیان و كەركوك و ھەڵەبجە تا ئێستا دەرنەكەوتووە لەو ناوچانەدا كاریگەری دەبێت بەشێوەی بارانبارین، بەڵام لەگەڵ نزیكبوونەوەی زیاتر گۆرانكاریەكان دڵخۆشكەر دەبن و كاریگەری ئەو نزمە پاڵەپەستۆیە درێژ دەبێتەوە بۆ ناوچە نزمەكان و ئەو سنورانەش .

هەواڵی دواتر

مباپێ‌: چیتر لەوە زیاتر چاوەڕێ ناكەم

كیلیان مباپێ‌ ئەستێرەی هەڵبژاردەی فەرەنسا و یانەی پاریس سانجێرمانی هەمان وڵات جەخت لەوە دەكاتەوە، چیتر …

وەڵامێک بنووسە

پۆستی ئەلکترۆنیکەت بڵاو ناکرێتەوە .