محەممەد شوكری سەرۆكی دەستەی وەبەرهێنانی هەرێمی كوردستان دەڵێت، لە ئەگەری بەجێهێشتنی پرۆژی وەبەرهێنان لە لایەن هەر وەبەرهێنێكەوە، پرۆژەكە دەدرێت بە كەسێكی تر.
محەممەد شوكری لە لێدوانێكی رۆژنامەوانیدا ئاماژەی بەوەداوە، هەر وەبەرهێنێك پرۆژەكەی بەتەواو نەكراوی جێبهێڵێت و هەڵهات لە داهاتویەكی نزیكدا دەدرێتە وەبەرهێنێكی دیكە، بۆ دەست كردن بە كاری تەواو كردنی.
وتوشیەتی، حكومەتی هەرێم بە نیازە پرۆسەی تاپۆكردنی یەكەكانی نیشتەجێبوون بكات بە ئەلیكترۆنی، هەرچەندە پرۆسەی تاپۆكردن بەردەوامە، بەڵام هەندێكیان خاو بەڕێوەدەچن، هەوڵدەدەین پرۆسەكە خێراتر بكەین و هەندێكیشیان تاپۆكراون.
سەرۆكی دەستەی وەبەرهێنان هێمای بۆ ئەوەشكرد، لە ماوەیەكی نزیكدا هەموو ئەو پرۆژانەی ماون بە ناوی خاوەنەكانیانەوە دەكرێن، بۆ خێرا تاپۆكردنی پرۆژەكان داوامان لە شارەوانییەكان و تاپۆكان كردووە ئەو لیژنانەی كاری جیاكردنەوە و دابەشكردن و تاپۆ دەكەن زیاتر بكرێن.
دەربارەی پرۆژەی بنیشتەجێبون بۆ كرێنشینان سەرۆكی دەستەی وەبەرهێنان وتی، تەواو نەكردنی خانوو شوقەی كرێنشینان لە ساڵی 2014وە بەهۆی قەیرانەكانەوە بووە، ئێستا لەگەڵ وەزارەتی ئاوەدانكردنەوەو بە سەرپەرشتی ئەنجومەنی وەزیران لە پەیوەندیداین بۆ تەواو كردنی ئەو پرۆژانە، كە ژمارەیان 9 هەزار و 600 خانوو و شوقەن.