وەزیری دارایی: بە یاسا پاشەكەوتی موچەمان كردوە بە پابەندبون لەسەر حكومەت

وەزیری دارایی هەرێم رایگەیاند، موچەی پاشەكەوتكراوی فەرمانبەران وەك قەرز لای حكومەت دەمێنێتەوە و لەهەوڵیشدان بۆ ئەوەی پلە بەرزكردنەوە دەستپێبكاتەوە.
ئاوات شێخ جەناب، وەزیری دارایی و ئابوری هەرێم بە میدیای فەرمی گۆڕانی راگەیاند، موچەی پاشەكەوتكراو سروشتێكی یاساییان پێداوە وەكو شایستەی نەدراو دایانناوە بۆ ئەوەی وەك قەرز لای حكومەت بمێنێتەوە.
ئاماژەی بەوەشكردووە، بەبێ پارەكەی بەغدا ناتوانن بڕە پارەی پێویست بۆ موچەی فەرمانبەران و موچەخۆرانی هەرێم دابین بكەن، چونكە بۆ دابینكردنی موچە مانگانە پێویستیان بە 895 ملیار دینارە، ئەوەش لەسەروو توانای هەرێمەوەیە.
سەبارەت بە هەمیشەیی كردنی گرێبەستەكانیش رایگەیاند، *بەهەمیشەیی كردنی فەرمانبەرانی گرێبەست لە ئەجێندای ئەنجومەنی وەزیراندایەو جیا لەوەش كار دەكەن بۆ ئەوەی پلە بەرزكردنەوە كە چەند ساڵێكە راگیراوە دەستپێبكاتەوە.
ئەوە لەكاتێكدایە، لەساڵی 2016ەوە حكومەتی هەرێم  پلە بەرزكردنەوەی فەرمانبەرانی راگرتووە، هاوكات، 12 موچەی فەرمانبەرانی بە تەواوی نەداوە و34 موچەی بە پاشەكەوت و 10 موچەشی بە لێبڕینەوە دابەشكردووە.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .