قەیس خەزعەلی ئەمنیداری گشتی عەسائیبی ئەهلی حەق دەڵێت، هەیە هێرش دەكاتە سەر كۆماری ئیسلامی ئێران بەڵام دژی بۆردومانەكانی توركیا و تاوانەكانی دەوڵەتانی كەنداو بێدەنگن، یەكەم كەس كە رەخنەیان لە هەڵكردنی ئاڵای كوردستان گرت لە ئێران، كلكەكانی تاران بوون.
قەیس غەزعەلی لە وتەیەكدا ئاماژەی بەوەداوە، دەوڵەت هەیە 5 هەزار خۆكوژی پێشكەش كردووە و سەدان عێراقی بێتاوانیان كوشتووە، هەیە هێرش دەكاتە سەر كۆماری ئیسلامی ئێران بەڵام بەرامبەر بۆردومانەكانی توركیا و تاوانەكانی دەوڵەتانی كەنداو بێدەنگن.
ئاماژەی بەوەشداوە، یەكەم كەس ئەوانەی رەخنەیان لە هەڵكردنی ئاڵای كوردستان گرت لە ئێران تەنها كلكەكانی تاران بوون و كەسی تر نەبوون، ئەوانەی خۆیان بە نیشتمانی پیشان دەدەن تەنها ئامێری دەستی باڵیۆزخانەكانن و بەردەوام لە هۆتێلە 5 ئەستێرەكان كۆدەبنەوە.
ئەمینداری گشتی عەسائیبی ئەهلی حەق پێشی وایە، ئیسرائیل سەرقاڵی تیرۆركردنە لە پارێزگاكانی باشور، هەروەها چەند لایەنێك هەوڵی تیرۆركردنی چالاكوانانی خۆپیشاندانەكان دەدەن و لەبەرامبەریشدا سەركردەكانی حەشدی شەعبی تیرۆر دەكرێن بۆ دروستكردنی ئاژاوە، داواش لە چالاكوانان دەكات متمانە بە كارمەندانی پاڵیۆزخانەكان نەكەن چونكە كارمەندی هەواڵگرین.
