وتەبێژی پارتی: گۆڕانكارییەكانی نێو یەكێتیمان پێباشە

وتەبێژی پارتی دیموكراتی كوردستان رایگەیاند، گۆڕانكارییەكانی نێو یەكێتییان پێ باشە، ئەگەر هەنگاونان بێت بەرەو لابردنی بەربەستەكانی بەردەم چاكسازی، بەوپێیەی پێشتریش چەندین لایەن گلەییان لەو بەربەستانە هەبووە.
 مەحموود محەممەد، وتەبێژی پارتی دیموكراتی كوردستان لە چاوپێكەوتنێكدا لەگەڵ كەناڵی رووداو باسی لە گۆڕانكارییەكانی نێو یەكێتی و داهاتووی پەیوەندییە دووقۆڵییەكانی پارتی لەگەڵ ئەو حیزبە كرد، وتی، “هێشتا دیار نییە یەكێتی دوای گۆڕانكارییەكان چۆن مامەڵە لەگەڵ بارودۆخی هەرێمی كوردستاندا دەكات و پەیوەندی لەگەڵ ئێمە و لایەنەكانی دیكەدا چۆن دەبێت.” وتیشی، گۆڕانكارییەكانیان پێ باشە، “ئەگەر هەنگاونان بێت بەرەو لابردنی بەربەستەكانی بەردەم چاكسازی.”
 مەحموود محەممەد سەبارەت بە هەڵویستی پارتی دیموكراتی كوردستان بەرامبەر پەكەكە ئاماژەی بەوە كرد كە رێككەوتنی توركیا و حكومەتی هەرێمی كوردستان و پەكەكە لە پرۆسەی ئاشتیدا، لەسەر بنەمای رێككەوتنێكی ساڵی 1992 كراوە، كە لەنێوان یەكێتی و پارتی و پەكەكەدا واژۆكراوە.
 وتەبێژی پارتی رایگەیاند، “بەپێی ئەو رێككەوتنە گەریلاكان دەتوانن تەنیا لە بارەگا كۆنەكانی یەكێتی لە ناوچەی قەندیل بن، نەك داببەزنە مەخموور و شنگال و ناوچەكانی دیكە.”
 مەحموود محەممەد راشیگەیاند، “ئەگەر گەریلاكانی پەكەكە بگەڕێنەوە ناوچەی قەندیل و بەپێی رێككەوتنەكە مامەڵە بكەن، ئەوا كێشەمان لەگەڵیاندا نابێت، قسەیەكی دیكەمان لەگەڵ توركیاشدا دەبێت و پێیان دەڵێین بەپێی رێككەوتن لەوێن.”

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .