نوێترین هەواڵ

قوباد تاڵەبانی: دەبێت دامودەزگاکانی حکومەت لەسەر بنەمای دامەزراوەیی رێکبخرێنەوە

قوباد تاڵەبانی، جیگری سەرۆکی حکومەتی هەرێمی کوردستان لەگەڵ بریکاری وەزارەتەکان و سەرۆکی دەستەکان کۆبوەوە و رایگەیاند، باوەڕی تەواویان بەوەیە، کە دەبێت دامودەزگاکانی حکومەت ڕێكبخرێنەوە لەسەر بنەمای دامەزراوەیی بۆ باشتر خزمەتکردنی هاوڵاتییان و جیبەجێکردنی پلانەکانی چاکسازی حکومەت.

قوباد تاڵەبانی لەگەڵ بریکاری وەزارەتەکان و سەرۆکی دەستەکانی حکومەتی هەرێمی کوردستان بە مەبەستی گفتوگۆکردن لەبارەی چۆنییەتی ڕێکخستنەوەی کاروباری دامودەزگاکانی حکومەت لەسەر بنەمای شۆڕكردنە‌وە‌ و دیاریکردنی دەسەڵاتەکان و دروستکردنی پەیوەندی پتەوتر لەنێوانیاندا کۆبوەوە و رایگەیاند، بەکارهێنانی تەواوی دەسەڵاتەکان بە هەماهەنگی وەزیرەکان لەسەر بنەمای یاسا و رێنماییەکان بۆ جێبەجێ کردنی پلانەکانی چاکسازی لەهەموو سێکتەرەکان بەگرنگ دەزانن.
لەراگەیەنراوی کۆبونەوەکەدا هاتوە، بریکاری وەزارەتەکان و سەرۆکی دەستەکانی حکومەتی هەرێم باسیان لە پرسی شۆڕکردنەوەی دەسەڵاتەکان کردوە لەلایەن وەزیرەکان و چۆنییەتی گونجاندنییان لەگەڵ پێگەکانیان بۆ جێبەجێکردنی پلانەکانی چاکسازی حکومەت.
ئەوەش خراوەتەڕو، “کۆبوەنەوە جەختی کردەوە پێویستە سود لە ئەزمون و توانای بریکارەکان و دەستەکان وەربگیرێت لە ئەنجومەنەکانی (ئابوری، چاکسازی، نەوت و غاز و وەبەرهێنان)”.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .