نوێنەری نەتەوە یەكگرتوەكان لە عێراق رایگەیاند، رێككەوتنی هەولێر و بەغدا لەبارەی ئاساییكردنەوەی رەوشی شنگال بەرەوپێشچونێكی كەم لە جێبەجێكردنیدا بەدەدەكرێت، بۆیە داوا لە هەردولا دەكەن هەوڵەكانیان خێراتر بكەن بۆ جێبەجێكردنی رێككەوتنەكە.
جێنین پلاسخارت، نوێنەری نەتەوە یەكگرتوەكان لە عێراق لەكۆنفرانسێكی رۆژنامەنوسیدا باسی لەوەكرد، جێبەجێكردنی رێككەوتنی شنگال لە بەرژەوەندی خەڵكی شنگال و نەینەوا و هەمو عێراقە و “رێككەوتنێكی زۆر گرنگە”.
ئاماژەی بەوەشكرد، “بەداخەوە بەرەوپێشچونێكی كەم لە جێبەجێكردنی رێككەوتنەكەدا دەبینین. داوا لە لایەنەكان، لە بەغدا و هەولێر و ئەوانەشی لە ناوچەكەن دەكەین، هەوڵەكانیان خێراتر بكەن بۆ جێبەجێكردنی رێككەوتنەكە”.
لە 9ی تشرینی یەكەمی حكومەتی عێراق و هەرێمی كوردستان رێككەوتنێكیان بە مەبەستی ئاساییكردنەوەی رەوشی شەنگال واژۆكرد، وەك لە راگەیەنراوێكی حكومەتی فیدراڵدا هاتووە، ئامانج لە رێككەوتنەكە بەهێزكردنی دەسەڵاتی فیدراڵی و كۆتاییهێنانە بە پێگەی گروپە چەكدارەكان لەو قەزایە.
