یەنس ستۆلتنبێرگ، سكرتێری گشتیی ناتۆ، لە میانی ئەو كۆبوونەوەی كە لەلایەن ئەمریكا و ئەڵمانیاوە لەسەر پرسی ئەفغانستان رێكخرابوو، راگەیاند، كە دەبێت تاڵیبان، بەڵێنەكانی بەجێ بگەێنێت.
بەپێی ئەو راگەیەندراوەی كە لە ناتۆوە بڵاوكراوەتەوە، ستۆلتنبێرگ لە وتەیەكدا رایگەیاند: دەبێت تاڵیبان، پابەندی بەڵێنەكانی لە بابەتی تیرۆریزم، مافەكانی مرۆڤ و رێگەدان بەو كەسانەی كە دەیانەوێت ئەفغانستان بەجێبهێڵن ببێت.
یەنس ستۆلتنبێرگ ئاماژەی بەوە كرد كە تاكو ناتۆ ئەفغانستانی جێهێشت دەستكەوتی باشی لە بەرنگاربوونەوەی تیرۆر بەدەستهێنا و رایگەیاند، بوونی ناتۆ لەم وڵاتە بووە هۆكاری باشكردنی ئاسایش و سەقامگیریە ناوچەكە بۆ ماوەی دەیان ساڵ.
سكرتێری گشتیی ناتۆ، ئەوەشی خستەڕوو كە بۆ ئەوەی رێگە بە گرووپە تیرۆریستییەكان نەدرێت لە داهاتوودا سەرلەنوێ لە ئەفغانستان خۆیان رێكبەخەنەوە، پێویستە سەرجەم هاوپەیمانانی ناتۆ پێكەوە لە دژی تیرۆر بووەستنەوە.
