هەردوو رێكخراوی تەندروستی جیهانی و كاری نێودەوڵەتی لە راپۆرتێكدا بڵاویان كردووەتەوە، لە ساڵی 2016دا بەهۆی ئەو نەخۆشیانەی لەسەر كار توشیان بووە یاخود بریندابوونیان لەسەر كارەكانیان یەك ملیۆن كەس گیانیان لەدەستداوە.
تەندروستی جیهانی و كاری نێودەوڵەتی لە راپۆرتێكی نوێدا باسیان لەوە كردووە، هەڵسەنگاندنێكی هاوبەشیان بۆ ئەرك و گرانی كار و ئەو نەخۆشی و برینداربوونانە كردووە كە لە ساڵی 2000 بۆ 2016 بەسەر كرێكاراندا هاتووە، بەپێی هەڵسانگاندنەكەش زۆرینەی گیان لەدەستدانەكان بەهۆی نەخۆشییەوە بوو لە دەزگای هەناسەدان و ملولەكانی خوێن كە لەسەر كار توشیان بووە.
بەپێی راپۆرتەكە، نەخۆشیە گواستراوەكان هۆكاری 81%ی گیان لەدەستدانەكان بوون لەو ساڵانەدا و دیارترینیان نەخۆشی سییەكان بووە كە 450 هەزار حاڵەت بووە، هەروەها جەڵتەی مێشك 400 هەزار حاڵەت و نەچوونی خوێنی پێویست بۆ خانەكان 350 هەزار، سەرەڕای ئەوەش بەهۆی بریندار بوون لەسەركار 360 هەزار حاڵەت تۆمار كراون.
سەبارەت بە مەترسیەكانی كار هاتووە، كاتژمێری زۆری كاركردن، پیسبوونی هەوای ژینگەی كار، رەبۆ، مادەی شێرپەنجەیی، برینداربوونی سوك و دوبارەبوونەوەی و ژاوەژاو لە دیارترین هۆكارەكانی گیان لەدەستدانن، هۆكاری سەرەكیش زۆری كاتژمێرەكانی كارە كە بووەتە هۆی گیان لەدەستدانی 750 هەزار كەس و دواتر پیسبوونی هەوایە كە هۆكاری 450 هەزار گیان لەدەستدان بووە.
