ئەنجوومەنی ئاسایشی نێودەوڵەتی، بڕیاریدا ئەركی نوێنەرایەتەیی نەتەوە یەكگرتووەكان لە ئەفغانستان(یوناما) ۆ ماوەی شەش مانگ درێژ بكرێتەوە.
دوای ئەوەی داهاتووی نوێنەرایەتی نەتەوە یەكگرتووەكان لە ئەفغانستان لەگەڵ كۆنتڕۆڵكردنی ئەو وڵاتە لەلایەن تاڵیبانەوە كەوتبوویە ژێر پرسیارەوە، ئەنجوومەنی ئاسایشی نێودەوڵەتی ئەركی یونامای بۆ ماوەی شەش مانگ درێژ كردەوە.
ئەنجوومەنی ئاسایشی نێودەوڵەتی لە بڕیارەكەدا، جەختی كردوەتەوە لەسەر درووستكردنی حكوومەتێكی گشتگیر، كە بە تایبەتی بە شێوەیەكی یەكسان نوێنەرایەتی ژنان تێدابێت و داوای كرد كە رێز لە مافەكانی ژنان، منداڵانی كچ و كەمایەتییەكان بگیرێت.
بریارەكە، داوایكرد كە هاوكارییە مرۆییەكان بە شێوەیەكی سەلامەت و بەبێ ئاستەنگ بگاتە سەرجەم لایەنەكان و رایگەیاند كە دەبێت خاكی ئەفغانستان بە هیچ جۆرێك بۆ ئەنجامدانی هێرشی تیرۆریستی، پلاندانان بۆ كرداری تیرۆریستی، پاڵپشتی كردنی تیرۆر، لەخۆگرتنی تیرۆریستان و راهێنانی تیرۆریستان بەكارنەهێندرێت.
ئەنجوومەنی ئاسایشی نێودەوڵەتی، داوای لە سكرتێری گشتیی نەتەوە یەكگرتووەكان ئانتۆنیۆ گوتەرێس، كرد كە تاكو 31ی كانوونی دووەمی 2022 راپۆرتێك لەژێر رۆشنایی دوایین پێشهاتە سیاسی، ئەمنیی و كۆمەڵایەتییەكان كە ئامۆژگاریی ستراتیژی و كاركردنی لەسەر یوناما لە خۆدەگرێت پێشكەش بكات.
نوێنەرایەتی نەتەوە یەكگرتووەكان بۆ پێشكەش كردنی هاوكاری لە ئەفغانستان لە ساڵی 2002وە لەو وڵاتە لە ئەركدان.
