هەڕەشەكانی توركیا بۆ پەلاماردانی رۆژئاوای كوردستان بەردەوامە و وەزیری بەرگریی ئەو وڵاتەش دەڵێت: هەر هەنگاوێك پێویست بكات لە سوریا دەینێن.
خلوسی ئاكار، وەزیری بەرگری توركیا رایگەیاند، بۆ پاراستنی بەرژەوەندییەكانی توركیا هەر هەنگاوێك پێویست بێت لە سوریا دەینێن و هیچ لایەنێكیش لەو بارەوە گومانی نەبێت.
وتیشی: توركیا لە سەروەری وڵاتانی دراوسێ دەگرن، بەڵام ئەگەر لەلایەن ئەو وڵاتانەوە لە بەرامبەر كردەوە تیرۆرستیانەكانی سەر سنوری توركیا هیچ هەڵوێستێكیان نەبێت، ئەوا بۆخۆیان هەڵوێستی پێویست نیشان دەدەن.
پێشتریش سەرۆك كۆمار و وەزیری دەرەوەی توركیا هەڕەشەی هێرشكردنە سەر رۆژئاوای كوردستانیان كردبوو، بە بیانووی هێرشكردنە سەر توركیا لە لایەن هێزەكانی رۆژئاوای كوردستانەوە.
