مستەفا كازمی سەرۆك وەزیرانی عێراق فەرمانی كرد بە پێكهێنانی لیژنەیەكی لێكۆڵینەوە لە رووداوەكانی رۆژی هەینی بەغدا، كە تێیدا خۆپیشاندەرێك كوژرا و دەیان كەسی تر لە ریزی خۆپیشاندەران و هێزە ئەمنیەكان بریندار كران.
سەركردایەتی پرۆسە هاوبەشەكانی عێراق لە بەیاننامەیەكدا بڵاویكردووەتەوە، مستەفا كازمی سەرۆكی هێزە چەكدارەكان فەرمانی كردووە بە پێكهێنانی لیژنەیەك، كە حەشدی شەعبیش لەخۆ دەگرێت.
رونیشكراوەتەوە، لیژنەكە بۆ لێكۆڵینەوەیە لە رووداوەكانی خۆپیشاندانەكانی رۆژی هەینی بەغدا و دەستی كردووە بە كارەكانی و بەدواداچون بۆ هۆكارەكانی كوشتن و بریندار كردنی خۆپیشاندەران و ئەندامانی هێزە ئەمنییەكان دەكات.
بەپێی بەیاننامەكە، هەروەها كەمتەرخەمان روبەڕوی دادگا دەكرێنەوە ئەوەش بەهۆی ئەوەی سەرپێچی فەرمانی راستەوخۆیان كردووە كە بریتی بووە لەوەی لەژێر هیچ بارودۆخێكدا تەقە نەكرێت، هەروەها فەرمان كراوە قەرەبووی ئەوانە بكرێتەوە كە زیانیان پێگەیشتووە.
