نرخی بیتكۆین بەرزبوونەوەی زیاتری بەخۆیەوە بینی و یەك بیتكۆین گەیشتە سەروو 65 هەزار دۆلار، ئەوەش بەرزترین نرخیەتی لەماوەی زیاتر لە دوو هەفتەی رابردودا.
ئاژانسی رۆیتەرز بڵاویكردووەتەوە، نرخی بیتكۆین 3% بەرزبوونەوەی بەخۆیەوە بینیوە و یەك بیتكۆین بە 65 هەزار و 121 دۆلارەوە مامەڵەی پێوە دەكرێت، ئەوەش بەرزترین نرخە لەماوەی زیاتر لە دوو هەفتەی رابردودا.
بەپێی ئاژانسەكە، هەروەها نرخی دراوی ئەلكترۆنی “ئیسیریۆم”ئاستێكی پێوانەیی تۆمار كردووە و گەیشتووەتە 4 هەزار و 711 دۆلار.
لە سەرەتای مانگی رابردووەوە، بیتكۆین 50% و ئیسیریۆم 57%ی نرخەكەیان بەرزبوونەتەوە، ئەوەش دوای ئەوەی یەكەم سندوقی وەبەرهێنان بە بیتكۆین لە ئەمریكا كرایەوە.
