هێڵی ئاسمانی عیراق چەند بڕیارێكی نوێی دەركرد سەبارەت بەو كەسانەی بەنیازی گەشت كردنن وئەم بڕیارانە لە 22ی ئەم مانگەوە دەچنە بواری جێبەجێكردنەوە.
بەگوێرەی نوێترین بڕیارەكانی تایبەت بە گەشتكردنی هاوڵاتیان بۆ دەرەوەی وڵات، هێڵی ئاسمانی عیراق لەڕاگەیەندراوێكدا بڵاوی كردوەتەوە، لەرۆژی 22ی ئەم مانگەوە پێویستە سەرجەم گەشتیاران بڕوانامەی نێودەوڵەتی وەرگرتنی ڤاكسینیان پێبێت، هەروەها دەبێت بەڵگەی پشكنینی (PCR)ی كەمتر لە (72) كاتژمێر پێش گەشتەكەی ئەنجامدابێت، بەپێچەوانەوە هەر كەسێك ئەو دوو مەرجە جێبەجێ نەكات رێگەی پێنادرێت گەشت بكات.
پێشتر دەسەڵاتی فڕۆكەوانی عیراق رێگەی دەدا بەهاوڵاتیان گەشت بكەن چ لەناوخۆ یان بۆ دەرەوەی وڵات بە مەرجی ئەنجامدانی پشكنینی PCR ،72 كاتژمێر پێش كاتی گەشتكردن.
