پاشنیوەڕۆی ئەمڕۆ 13-11 مەلا بەختیار ئەندامی ئەنجومەنی باڵای سیاسی و بەرژەوەندی یەكێتیی نیشتمانیی كوردستان لە ئەڵمانیاوە گەیشتەوە شاری سلێمانی و لە پرێس كۆنفرانسێكدا لەسەر ژەهرخواردكردنی رایگەیاند: غەدرێكی گەورەیە كراوە لە من و بافڵ تاڵەبانی و وەستا حەسەن، بەداخەوە كە وایلێهاتوەو رۆژی یەكشەممە لەسەر مەزاری مام جەلال پرێس كۆنفرانس دەكەم.
چارەنوسی هەرێمی كوردستان وەك بیلبیلەی چاومان دەپارێزین و رەخنەی توندیش لەوانە دەگرین كە ئەم هەرێمەیان بەو رۆژە گەیاندوە كە لەم هەڵبژاردنەدا دەنگەكانیان كەمیكردوە، هاتوینەتەوە بەردەوام دەبین و ساڵانی پێشوو چۆن بوم هەروا دەبم.
من لە عەممان تێگەیشتم چیم لێ بەسەرهاتوەو دەستبەجێ بافڵ تاڵەبانیم ئاگاداركردەوە.
