پۆلیسی پۆڵەندی ئاشكرای كرد، 50 كۆچەری نایاسایی لە سنورەكانی بیلاڕوسیاوە دزەیان كردووەتە سنورەكانی ئەو وڵاتەوە و 22یان دەستگیر كراون كە عیراقین.
پۆلیسی پارێزگای “بودلاسكی” پۆڵەندی بڵاویكردووەتەوە، 50 كۆچەر لە كەرتی “ستازین”ەوە دزەیان كردووەتە سنورەكانی پۆڵەندا و هێزە ئەمنییەكان هەڵمەتی گەڕانیان بەدوای ئەو پەنابەرانەدا دەست پێ كردووە.
پۆلیسی پۆڵەندی باسی لەوەش كردووە، لە هەڵمەتەكاندا 22 پەنابەریان دەستگیر كراون، كە عیراقی بوون و لە سنورەكانی بیلاڕوسیاوە دزەیان كردبوو.
جەخت لەوەش كراوەتەوە، هەروەها 4 كەس دەستگیر كراون كە هاوكاری كۆچەرانیان كردووە بۆ پەڕینەوە دوانیان خەڵكی جۆرجیان و یەكیان پۆڵەندییە و ئەوی تریان سوریی، ئەو چوار كەسە 13 پەنابەریان گواستووەتەوە پۆڵەندا.
