بەڕێوەبەرایەتی گشتی كارەبای سلێمانی گۆڕانی بەرنامەی كاركردنی موەلیدە ئەهلییەكانی راگەیاند و وەكو مانگی رابردووی لێدێتەوە و رۆژانە لە كاتژمێر 12ی نیوەڕۆ بۆ یەكی شەو كاردەكەن، هەروەها بەیانیان لە 6 و 30 خولەك تاوەكو 8ی بەیانی ئەگەر كارەبا كوژایەوە كاردەكەن.
بەڕێوەبەرایەتییەكە لە راگەیەندراوێكدا بڵاویكردووەتەوە، سەرەڕای ئەوەی مانگی رابردوو داواكاری ئەوە هەبوو كە موەلیدە ئەهلییەكان رۆژانە لە كاتژمێر 7ی بەیانی تاوەكو یەكی شەو لەكاتی كوژانەوەی كارەبای نیشتیمانی موەلیدە كارەبا بدەن، بەڵام دوای ئەوەی لە 20 رۆژی رابردوو ئەزموون كرا كاتژمێری كاركردنی موەلیدەكان زۆر دەبوو بەوەش نرخی ئەمپێر زۆر گران دەبوو.
رونیشكراوەتەوە، بۆیە لە رۆژی شەممە 11ی 12ی 2021ەوە بەرنامەی موەلیدەكان وەك مانگی رابردوی لێدێتەوە كە رۆژانە لە كاتژمێر 12ی نیوەڕۆ بۆ یەكی شەو كاردەكەن، هەروەها بەیانیان لە كاتژمێر 6 و 30 خولەك تاوەكو 8ی بەیانی ئەگەر كارەبا كوژایەوە كاردەكەن.
هەر بەپێی راگەیەندراوەكەی بەڕێوەبەرایەتی كارەبای سلێمانی، بەرنامەكەش لە ئەمڕۆ شەممەوە دەچێتە بواری جێبەجێكردنەوە.
