دڵشاد شەهاب راوێژكاری سەرۆكی هەرێمی كوردستان دەڵێت، یەكێتی و پارتی گەیشتوونەتە لێكتێگەیشتنی هاوبەش لەسەر ئەوەی بە یەك بەرنامە بچنە گفتوگۆكانی پێكهێنانی حكومەتی داهاتووی عیراق.
دڵشاد شەهاب بە رۆژنامەنوسانی وت، دوای راگەیاندنی ئەنجامی كۆتایی هەڵبژاردنی پەرلەمانیی عیراق چەند كۆبونەوەیەك لە نێوان لایەنە سیاسییە عیراقییەكان ئەنجام درا و تێیدا راوبۆچون ئاڵوگۆڕ كرا
رونیشیكردەوە، سەرەڕای ئەوەی چەندین بۆچونی جیاواز لەنێوان لایەنە كوردیەكاندا هەیە سەبارەت بە بەشداری كردن و نەكردن لە حكومەتی داهاتوو، بەڵام هەموان كۆكن لەسەر گرنگی پاراستنی مافەكانی گەلی كوردستان.
راوێژكارەكەی سەرۆكی هەرێم لە بەشێكی تری قسەكانیدا وتی، لە كۆتا كۆبوونەوەی یەكێتی نیشتمانی كوردستان و پارتی دیموكراتی كوردستان هەردولا گەیشتنە لێكتێگەیشتنێكی نوێ سەبارەت بەوەی بە یەك بەرنامەوە بەشداری گفتوگۆكانی پێكهێنانی حكومەت بكەن.
