لە بڵاوكراوەیەكدا سەرۆكایەتی پەرلەمانی عیراق رایگەیاند، بەفەرمی دەرگای خۆپاڵاوتن بۆ پۆستی سەرۆك كۆماری عیراق دەكاتەوە.
لە نوسراوێكی سەرۆكایەتی پەرلەمانی عیراق كە محەمەد حەلبوسی سەرۆكی پەرلەمان واژۆی لەسەر كردووەو تێدا هاتووە، بڕیاردرا بە كردنەوەی دەرگای خۆپاڵاوتن بۆ پۆستی سەرۆك كۆمار.
سەبارەت بە كاتی كردنەوەی هاتووە، رۆژی چوارشەممە 9ی 2ی 2022 دەست پێدەكات و ماوەی 3 رۆژ بەردەوام دەبێت.
ئەمەش لە كاتیكدایە، بریار بوو رۆژی دووشەممە كۆبونەوەی پەرلەمان بۆ هەڵبژاردنی سەرۆك كۆمار ئەنجام بدرێت بەڵام بەهۆی بایكۆتكردنی لایەنەكانەوە كۆبوونەوەكە نەكرا.
