بەپێی بڕیارێكی بەڕێوبەرایەتی گشتی تەندروستی سلێمانی، هەر خاوەنكارێك ڤاكسینی وەرنەگرتبێت و كارتی ڤاكسینی پێ نەبێت، مۆڵەتی بۆ نوێ ناكرێتەوە.
بەڕێوبەرایەتی گشتی تەندروستی سلێمانی ئاگاداری بازرگانان و خاوەنكارانی كردوەتەوە، لە 10ی شوباتی 2022 بەدواوە هەر خاوەن كارو بازرگانێك پێویستە لە كاتی سەردانیكردن و رایی كردنی مامەڵە و دەرهێنان و تازەكردنەوەی مۆڵەت و ناسنامەی تەندروستی، پابەندی رێنماییە تەندروستییەكان ببن و كارتی ڤاكسینیان پێ بێت.
بەڕێوەبەرایەتییەكە جەختی لەوەش كردووەتەوە، بەپێچەوانەوە هەر خاوەن كار و بازرگانێك كارتی ڤاكسینی پێ نەبێت مامەڵەكانی رایی ناكرێت و مۆڵەتی كاری بۆ نوێ ناكرێتەوە.
بەهۆی بەدەمەوە نەچوونی ڤاكسینەكانی دژە كۆرۆنا لەلایەن هاوڵاتیانەوە، زۆرینەی وەزارەت و فەرمانگە و بەڕێوەبەرایەتییەكانی حكومەت، وەرگرتنی ڤاكسینیان بۆ فەرمانبەران و هاوڵاتیان كردووە بە ناچاری.
