مەسعود بارزانی سەرۆكی پارتی دیموكراتی كوردستان پەیوەندیەكی تەلەفۆنی لەگەڵ موقتەدا سەدر سەرۆكی رەوتی سەدر ئەنجامدا.
بەپێی راگەیەنراوێكی نوسینگەی تایبەتی موقتەدا سەدر لە نەجەف، مەسعود بارزانی پەیوەندی كردوە بە موقتەدا سەدرەوە تیایدا گفتوگۆیان كردوە لەسەر هەنگاوی پێویست و هەماهەنگی و هەڵوێستی هاوپەیمانی سێقوڵی ستراتیژی نێوانیان لەم قۆناغەدا لەپێناو گەیشتن بە پێكهێنانی حكومەتی زۆرینەی نیشتمانی.
راشگەیەنراوە، لەو پەیوەندییەدا سەدرو بارزانی رێككەوتون لەسەر پێویستی ئەنجامدانی كۆبونەوەی هێزەكانی هاوپەیمانی سێقۆڵی نێوانیان لەچەند رۆژی داهاتودا.
