رزگار حاجی حەمە لێپرسراوی دەزگای هەڵبژاردنی یەكێتی داوای هەمواركردنەوەی یاسای هەڵبژاردن دەكات و جەخت لەوە دەكاتەوە، كۆمسیۆنی هەڵبژاردنی هەرێم ماوەی یاسایی بەسەرچووە.
رزگار حاجی حەمە بە ماڵپەڕی فەرمی حزبەكەی وتووە، كۆمسیۆنی هەڵبژاردنی هەرێمی كوردستانی ماوەی یاسایی خۆی بەسەرچووەو بەهۆی رێكارە یاسایەكانەوە ناتوانێت هەڵبستێت بە ئەنجامدانی هەڵبژاردن.
ئاماژەی بەوەشداوە، لە رووی یاساییەوە پێویستە ماوەی كۆمسیۆنی هەڵبژاردنی هەرێمی كوردستانی درێژبكرێتەوە یاخود كۆمسیۆنێكی نوێ دیاری بكرێت.
لەبارەی هەمواری یاسای هەڵبژاردنیەوە وتویەتی، پێویستە پێش هەڵبژاردن هەمواری یاسای هەڵبژاردن لەهەرێمی كوردستان بكرێت، كە ئەمە خواستی یەكێتییە بۆ ئەنجامدانی هەڵبژاردنێكی پاك و بێگەرد.
