بەداخەوە نامەی زیندانییەک بەناوی شێروان سەعید سیاری کە دانیشتوی پیرمامە لە ئاسایشی گشتی ھەولێر پێمان گەیشتوە، دور لە ھەموو بنەما یاسایی و دیموکراسیەکان لەسەر گۆڕێنی لایەنی سیاسی خۆی، چەندین ساڵە سزادەدرێت.
پێویستە دەستبەجێ پرۆسەی دادگاییکردنی ئەم زیندانییە و گشت دەستگیرکراوەکان دەستپێبکرێت و دوسیەکانیان یەکلایی بکرێت، ئەو ماوەیەی بێ دادگاش بەندکراون قورەبوو بکرێنەوە.
لەگەڵ ئەوەی یەکێک لە نامەکان وەک خۆی و لەسەر داوای خۆی بۆ ڕای گشتی و لایەنی پەیوەندیدار بڵاودەکەینەوە (چەند نامەیەکی دیکەش لامان پارێزروان)، جەخت لەسەر ئەوەش دەکەینەوە ھەر مەترسیەک بکەوێتە سەر ژیانی دەزگا ئەمنیەکان بەرپرسیارن و بە وردی لەگەڵ ھاوبەشەکسنمان لە ناوەندە جیھانیەکان کاری لەسەردەکەین.
پێویستە دەستەڵاتدارانی ھەرێم پێگیربن بە پەیماننامە نێودەوڵەتیەکان دەربارەی مافی مرۆڤ و ئازادی رادەربرین.
کۆمیتەی داکۆکی لە ماف و ئازادیەکان (CDFR)
٦ی ٤ی ٢٠٢٢
دەقی نامەکە:
من (شێروان سەعید یوسف حاجی) ناسراو بە شیروان سەعید سمێڵ لە پیرمام ئاکنجی بووم، لە ساڵی ٢٠٠٧ تا ٢٠١٣ رفێرام و بێ دادگا زیندانیکرام، دواتر لە ١٥-١١-٢٠١٧ بەدەستی مەفرەزەیەکی پاراستن و ئاسایشی پیرمام دەستگیردەکرێم و رفێنرام.
تاکو ئێستا لە ئاسایشی گشتی بەندکراوم لە ھەولیر، بەبێ ئەوەی ھیچ دادگا و دادوەرێکی بەرێز من ببینێت.
نەک پارێزەر تەنانەت دادوەری لێکولینەوە منی نەبینیوە، تەنھا یەك جار لەلای پاراستن لە ٦-٢-٢٠١٨ بانگ کراوم ئەویش یەک پرسیاریان لەمن کردوە ئایا (شێخ لاھور و بافڵ تاڵەبانی) بینیوە و سوکایەتیشیان پێکردن، منیش وتم (نەخێر) گوایە بە قسەی خویان من (حجزی) مەسرور بارزانیم، لە کاتێکدا من لە ئاسایشی رانیەی سەر بە یەکێتی نیشتمانی کوردستان دامەزراوم و ئەرکی ئاسایی خۆم ئەنجامداوە، بەڵام تا ئێستا ئەوان ھیچ ھەلوێستێکیان نیە.
لە ھەرێمێکدا کە باسی سەروەری یاسایی دەکرێت، چون دەبێت خەلک حجز بکریت.
بۆیە داوا لە بەرێزتان دەکەم کە پەیامی من بگەیێنە ئەم بەرێزانە
خوارەوە:-
١-دەزگاکانی راگەیاندن و سوشیال میدیا
٢-رای گشتی جیھانی و کوردستان
٣-سەروکی ھەرێمی کوردستان
٤-سەروکایەتی پەرلەمان و حوکومەت
٥-رێکخراوە نێودەولەتیەکانی مافی مروف
٦-UN و کونسولخانەکان
٧-ئەنجومەنی دادوەری ھەرێم
٨-ئەنجومەنی ئاسایشی ھەرێم
٩-سەروکی دادگای ھەرێم
١٠-پارێزەرە خوبەخشەکان
١١-پەرلەمانتار و پارتە سیاسیەکان
١٢-دەستەی سەربخۆی مافی مروڤی ھەرێم
تایبەت بو بەرێز جەنابی سەرۆکی ھەرێمی کوردستان کە لە ١٠-٦-٢٠١٩
وەکو سەروکی ھەرێم دەستی لەسەر قورئان داناو وەکو سەرۆکی ھەرێم
سوێندی یاسایی خوارد کە پارێزگاری لە سەروەری یاسا و مافی ھاولاتیان بکات، ئەگەر بەراستی جەنابی پارێزەری سەروەری یاسا و مافی ھاولاتیان بێت نابێ لەم پێشێلکاریە نایاساییە قبول بکات لەسەر مافی تاکی ھاولاتیانی ھەریمی خۆی
تکاتان لێ دەکەم ئەم پەیامەی من بگەیێنن چونکە خاوەنی مال و منالم، ھەر چەندە لێرە پێیان وتومە ھەر پەیام و نامەیەک بنێریتە دەرەوە دەتکوژین بۆیە ئێستا ژیانم لە مەترسیدایە.
لەگەل رێزمدا
شێروان سەعید
یوسف حاجی
زیندانی ئاسایشی گشتی ھەولێر.
