نرخی نەوتی خاو بەشێوەیەكی بەرچاو دابەزینی بەخۆیەوە بینی و یەك بەرمیل خاوی برێنت بە 102 دۆلار و 50 سەنتەوە مامەڵەی پێوە دەكرێت.
بەپێی داتاكانی ماڵپەڕی “oil price” نرخی نەوتی خاو دابەزینی بەرچاوی بەخۆیەوە بینیوە و خاوی برێنت نزیكەی 4%ی نرخەكەی لەدەستداوە و یەك بەرمیل هاتووەتە خوارەوە بۆ 102 دۆلار و 50 سەنت.
بەپێی هەمان ئەو داتایانە، هەروەها بەرمیلێك خاوی تەكساسی ئەمریكی دابەزیوە بۆ 98 دۆلار و 4 سەنت، بەڵام خاوی ئۆپێك كەمێك بەرزبونەوەی بەخۆیەوە بینیوە و یەك بەرمیل بەرامبەر 108 دۆلار و 81 سەنتە.
لەدوای دەستپێكردنی پرۆسەی سەربازی روسیا بۆ داگیركردنی ئۆكرانیا نرخی بەرمیلێك نەوت 100 دۆلاری تێپەڕاند و لەو كاتەوە بەهۆی كاریگەریەكانی كۆرۆنا و هەوڵەكانی ئەمریكا بۆ دابەزاندنی نرخەكەی و پێشبینیەكانی گەشەی ئابوریی و چەند هۆكارێكی تر، نرخەكەی جێگیر نییە و بەردەوامە لە بەرزبونەوە و دابەزین.
