هەریەكە لە روسیا و ئۆكرانیا زیانەكانی یەكتریان لەسەرەتای دەستپێكردنی شەڕی داگیركردنی ئۆكرانیاوە بڵاوكردووەتەوە، تاوەكو ئێستاش هەزارەها هاوڵاتی مەدەنی كوژراون و زیاتر لە 5 ملیۆن كەسیش ئاوارە بوون.
وەزارەتی بەرگری ئۆكرانیا بڵاویكردووەتەوە، لەسەرەتای دەستپێكردنی شەڕەوە “23 هەزار و 200 سەربازی روسیا كوژراون، هەروەها هەزار و 8 تانك و 2 هەزار و 445 زرێپۆش و 436 سیستمی تۆپهاوێژ و 151 راجیمە و 77 سیستمی دژە فڕۆكە” لەناوبراون.
ئەوەش هاتووە، سەرەڕای ئەوەش، زیانەكانی تری روسیا بریتین لە “190 فڕۆكە، 155 هێلیكۆپتەر، هەزار و 701 ئۆتۆمبێلی سەربازی، 8 بەلەم، 76 تانكی سوتەمەنی، 232 فڕۆكەی بێفڕۆكەوان، 32 ئامێری تایبەت و 4 سەكۆی جوڵاوی هەڵدانی موشەك”.
لای خۆشیەوە وەزارەتی بەرگری روسیا بڵاویكردووەتەوە، لەسەرەتای دەستپێكردنی پرۆسە سەربازییەكەیان “143 فڕۆكە و 112 هێلیكۆپتەر و 660 فڕۆكەی بێفڕۆكەوان و 279 سیستمی موشەكی دژە فڕۆكە و 2 هەزار و 678 تانك و زرێپۆش و 308 راجیمە و هەزار و 196 تۆپهاوێژ و 2 هەزار و 503 ئۆتۆمبێلی سەربازی” لەناوبراون.
ماوەی زیاتر لە دوو مانگە روسیا پرۆسەی سەربازی داگیركردنی ئۆكرانیای دەستپێكردووە و بەپێی داتاكان تاوەكو ئێستا هەزارەها هاوڵاتی مەدەنی لەو شەڕەدا كوژراون و زیاتر لە 5 ملیۆن كەسیش وڵاتەكەیان جێهێشتووە، هەروەها نزیكەی 10 ملیۆن كەسیش لەناوخۆی ئەو وڵاتە ماڵ و حاڵی خۆیان جێهێشتووە.
